الحاصل شنو

من طرف pathfinders الثلاثاء نوفمبر 03, 2009 4:13 pm

شباب الحاصل شنو مالكم مشاركتكم قلت ومافى اى جديد الطيب حمد بكرى بدوى كنتو اكتر اتنين يشاركو مالكم الحاصل عليكم شنو

وده ما معناهو الباقين ما مشاركين

يا جماعه دايرين المنتدى ده اكون الصوت الناطق بى اسم الخبوراب والشراره البتنطلق منو جميع الاراء والمقترحات دايرنو اكون

مرجع لينا ولى غيرنا دايرنو اكون المنصه البتنطلق منو تنميه القريه يلا يا شباب والله المنتديات ياما عملت وعملت اقلاها تعرفنا بى

اهلنا الما لاقيناهم قبل كده الواحد الاقيك فى الشارع ما تعرفو

من طرف nofal الأربعاء نوفمبر 04, 2009 1:17 am

حبييبنا محمد
والله اليومين ده شوية في زنقة في الدراسة لكن انشاء الله ح نواصل معاكم المساهمات.... اما بخصوص المساهمات القليلة فإنها ترجع للعدد المحدود من الاعضاء نسبة لعدم معرفة الاخرين بهذا المنتدي .. وهذا بدورة يدعونا الي التعريف بالمنتدي وحث الاهل والاصدقاءعلي الاشتراك... وهذا يتطلب عمل جبار ارجو ان يكلل بالنجاح ....

من طرف pathfinders الأربعاء نوفمبر 04, 2009 8:37 am

ربنا يفك زنقتك ان شاء الله يا خال تقريبا معظم تاناس معاها العنوان وانا فى الفيس بوك اديتو اغلب الناس

والله يا ودالفكي كلامك صاح لكن الواحد إنشغل شوية
بعدين المنتدى ناسو قليلين جدا وانا كان قلت لازم كل الناس
تعرف بالمنتدى وفي ناس كتير في منتديات أخرى
اتمنى أن يشاركو زي مجموعة الخبير لان القصد واحد

من طرف mohammad elmobarak الأربعاء نوفمبر 04, 2009 11:35 pm

بصراحة الموضوع واااااااااااضح جدا ومش عاوز شرح وتبريرات يا استاذ الطيب ؟؟ لو واحد منكم من رواد المنتديات كان علي الاقل كان عندو ولو مساهمة واحدة يوميا لكن الدليل الفتووووور والخمول من خلال المشاركات او من خلال الردود علي من يكتب ؟؟؟ والقصدواضح ياشباب نتمني انو نصل لمستوى افضل ليس الا بدلا علي ان ندخل المنتديات الثانية ونحرررررررررررررررددددد ود الخبير بي منتداها اللا منتدي
غير كدة مستحيل تدخل وتجد معك حد من المشاركين يعني اكبر تجمع كان السنة الفاتت وعدد الزوار كان 11 تخيلو 11 شخص فقط
نتمنى المزيد حتي لاتقفل هذه الصفحة
مع خالص الود ،،،

من طرف pathfinders الخميس نوفمبر 05, 2009 3:38 pm

كلامك عين العقل يا ود المبارك وزى ما قلت مستحيل تدخل واكون معاك زول تانى انا شخصيا ما حل لقيت زول فى المنتدى وانا قاعد وتانى حاجه ياودالمبارك معليش ما عرفتك ممكن اتشرف

من طرف الطيب ود حمد الخميس نوفمبر 05, 2009 11:56 pm

يا محمد المبارك هجومك عنيف علينا لكن إنت برضو مفروض تعرف نفسك لناس المنتدى
بالنسبة لي انا أنت معروف لكن غيري لايعرفك
والان تشرفنا كثير بمشاركاتك وافكارك النيرة
وانا دائما كنت انادي بزيادة عدد المشاركين في المنتدى

السلام عليكم يا شباب
حقيقي المنتدى نائم نوم شديد لكن أنا عندي بعض الملاحظات التي يجب أن يضعها القائمون على المنتدى في الاعتبار دون أن يأخذوا علي إن كنت قاسياً بعض الشئ
أولاً: تصميم المنتدى بائس ، الصورة الفي الخلفية باهتة وما حلوة، البانر الرئيسي للمنتدى ما فيهو أي شيء غير عبارة "منتدى ود الخبير" في حين إنو لو دخلت أي منتدى جهوي تلقا تصميم جميل يعكس ملامح المنطقة، مثلاً دنقلا تلقا نخيل، توتي تلقا النيل، الأبيض تلقا الرمال والتبلدي وهكذا، والمنتديات على ما اعتقد بقت متوفرة قوالب جاهزة يعني ما بتطلب من مصمم يعمل ليك تصميم فيجب الاهتمام بشكل المنتدى حتى يكون جاذباً،
ثانياً: التصميم الحالي لا يوفر الكثير من المزايا التي تساهم في عرض الموضوع بالشكل الذي يحب العضو أن يرى به مشاركته، فمثلاً أبسط شئ أنا عندي وما عارف هل الحاجة أصلا في المنتدى ولا من إعدادات جهازي، ما بقدر أكتب بالتنسيق العربي يعني بضطر أكتب العربي زي الإنجليزي وبعد أرفعو بظهر بعد داك بالشكل العربي
ثالثاً:هنالك طريق يستخدمها أصحاب المنتديات للترويج لمنتدياتهم ومنها التنشر من خلال الفيس بوك وهنالك طريقة الزيارات المشتركة وطرق أخرى يمكن شرحها للشخص المسئول عن هذا الموضوع

وشوية شوية بنوصل إن شاء الله

من طرف nofal السبت نوفمبر 07, 2009 2:11 am

يا ودالعاقب كلامك صحيح 100 100 لكن المشكلة الاساسية ان الاخ مجاهد قال فقد الباسورد الخاص بالمنتدي يعني ماقادر ادخل اشان يعيد تنسيق المنتدي من جديد . عموما لو في اي زول عندو خبرة في تنسيق المنتديات الرجاء الاتصال بالاخ مجاهد +249912917180 .

من طرف zeezuo الإثنين نوفمبر 09, 2009 1:54 pm

مادام هذه هي الروح التي تسود المنتدي باذن الله يسمو في القريب
والي الامام

من طرف pathfinders الإثنين نوفمبر 09, 2009 2:00 pm

ان شاءالله بس مشاركاتك ودعواتك

الحاصل شنو

الحاصل شنو

رد: الحاصل شنو

رد: الحاصل شنو

رد: الحاصل شنو

الحاصل انو !!!!

رد: الحاصل شنو

رد: الحاصل شنو

رد: الحاصل شنو

رد: الحاصل شنو

رد: الحاصل شنو

رد: الحاصل شنو